RELATIVO AS ENQUISAS

Esta entrada vai dirixida a Jorge:O conxunto de equisas que fixemos tanto relacionadas co proxecto como non tanto són unha forma de animar a xente a visitar o noso blog así como tamén para coñecer distintas opinións.

¡¡¡¡¡¡¡¡REMATAMOOOS!!!!!!!!!!!!

Tras unha ardua tarea, por fin conseguimos rematalo, podemos dicir que agora , exceptuando as clases é as recuperacións estamos en VACACIÓNS e, estas, comezaran oficialmente o día
20 de Xuño.
REMATAMOOOOOOOOOOS!!!!!!!!!!!!

A 4ª REUNIÓN E A ÚLTIMA!!!!

Van a ser as cinco da tarde e comeza a nosa derradeira reunión. Hoxe xa está Mauro e estamos esperando que chegue Pablo para que sexamos os cinco nunha reunión por primeira vez. Só nos falta ordenar todo e facer o índice e a portada. Esperamos que rematemos dunha vez este traballo de tecnoloxía que nos está privando da liberdade das vacacións unha vez que xa rematamos tódolos exames.

Grazas pola vosa participación

Quería agradecervos a todos os que participaron na enquisa sobre a folla de procesos.Grazas por achegarmonos esta valiosa información.Para os que aínda teñan dúbidas si hai que facela.
De novo grazas pola vosa colaboración.

¿Que vai pasar co blog cando rematemos o proxecto?

De momento non temos ningunha proposta en mente pero por seguro que o segueremos a empregar aínda que non creo que co mesmo fin que agora.
Pero se no caso que o profesor de tecnoloxía quixera preservalos tal e como os deixamos faremos outro blog , pero como xa dixen, con diferente temario. Moitas grazas pola vosa atención.

Día anterior ao penúltimo día

A data sinalada aproxímase, mañá última reunión, na que está previsto que esta vez, si esteamos todos os integrantes do grupo.Temos como plan estructurar o traballo que fizemos así como tamén retocar e anudar algúns cabos soltos para que o traballo estea listo e terminado pra o día seguinte.

A 3ª REUNIÓN

Comezamos a nosa 3ª reunión. Hoxe comezamos máis tarde do habitual por mor de que André foi á piscina e a reunión é na súa casa. Hoxe xa somos un máis porque Carmen está connosco para axudarnos, pero Mauro segue sen aparecer.

A VER SE REMATAMOS DUNHA VEZ !!!!!!!!!

XA ESTAMOS TODOS (CASE)

Son as 6:30 e Pablo xa chegou. Xa estamos os tres a pleno rendemento e continuamos coa mesma distribución que onte: Pablo e André a pelexarse co QCad mentres que eu redacto a memoria.

Posdata: Houbo un lixeiro problema co QCad que xa comentamos antes: borróusenos o alzado e o comezo da planta que tiñamos feito; pero a parte positiva e que estaba mal feito e que agora xa o sabemos facer ben.

A 2ª REUNIÓN

Miro pola ventá, chove, son case as seis da tarde e segimos traballando, Pablo, aínda non chegou, e dos outros dous, non hai noticia. Temos que voltar a comezar o alzado, pois borróusenos, miro pola ventá, chove en Compostela.

Plan de traballo

Uns serios traballadores:









Bueno, non tanto:



Non, decididamente non.

O QCad, o noso gran inimigo

Son as 7:15 e aínda seguen os problemas co QCad. André e Pablo discuten sen parar sobre as formas de empregar o QCad e xurden problemas coas medidas. A min xa me doe a cabeza, por favor rescatádeme deste suplicio. NON PODO MÁIS CON ESTES DOUS!

A 1ª REUNIÓN

Comezamos a nosa reunión na casa de André ás cinco da tarde coa intención de comezar, e se podemos rematar, a memoria do proxecto que nunca construiremos e que temos que entregar o vindeiro xoves. Estamos reunidos André, Pablo e eu, Jacobo, porque os nosos compañeiros de grupo Carmen e Mauro non puideron estar presentes. Mentres que eu redacto isto, Pablo e André estanse a romper a cabeza para recordar como se emprega o QCad, que preciasamos para facer os planos. Cando remate de escribir isto comezarei a facer o anteproxecto, que cando o remate vos pondrei un resumo aquí.

CAMBIO DE PLANOS POR FALTA DE TEMPO

Ao final, non imos facer a maqueta pero si imos elaborar unha memoria do proxecto. Este memoria ten como finalidade que outra persoa poidese realizar o noso proxecto tendo só a memoria diante.
Unha idea máis elaborada da execución do traballo en cuestión, que non construiremos por falta de tempo, será a seguinte:
O proxecto constaría de 4 pistóns cos seus respectivos cilindros que xirarían dous a dous. Estes pistóns moveríanse lineal e alternativamente grazas ao xiro do cegoñal, que tamén iría conectado a un sistema de reducción de velocidade que constaría de dúas rodas: unha pequena e outra grande. A pequena iría conectada ao cegoñal que move os pistóns e a roda máis grande iría conectada ás válvulas, das que nós só imos facer unha como exemplo.

PROPOSTA FINAL

Ao final, entre todos decidimos que ía ser un motor de 4 cilindros como o das fotografías anteriores pero cun cilindro con válvulas como exemplo.

O próximo día comezaremos o anteproxecto.

Propostas.

Os compañeiros Pablo Mascareñas e André Bernal García propoñen:
-A elaboración dunha maqueta dun motor de catro cilindros como o da imaxe pero con unha válvula como exemplo.

Sendo tamén viable a construcción dun motor como o da figura, sen válvulas.

Agora eu Jacobo, propoño outra imaxe que nos axudará a levar a cabo o proxecto que constará de catro cilindros unidos a unha árbore de levas e a un cegoñal; todo movido por un motor

Comezamos o proxeto

O profesor de tecnoloxía Jorge Gómez encargounos a elaboración dunha maqueta dun motor, que ten como obxectivo:
1. o traballo en equipo
2 a cooperación.
3.Un seguemento continuo e detallado do proxecto.
4. A elaboración dun diario de proxecto que terá o seu lugar neste blog.

A continuación móstrase un exemplo do motor que imos facer:





Ou tamén: